Nënkryetari i LSI, Petrit Vasili deklaroi se përgjimet e “Ndragheta” thjesht provuan atë që opozita ka denoncuar gjithë kësaj kohe për lidhjet e qeverisë me krimin.
Për “Quo Vadis”, ai komentoi emrin e kryebashkiakut të Tiranës, Erion Veliaj në këto përgjime. Petrit Vasili u shpreh se kjo thjesht konfirmoi se Tirana është kthyer në lavatriçe të parave të pista.
“Në mënyrë shumë tëe qartë siç e ka parë e gjithë Shqipëria që Tirana, mu në zemër të saj ndahet bashkë me kryetarin e bashkisë në copa, ku ju e keni parë, nuk mund t’i mbyllni sytë asnjë nga mediat, asnjë qytetar i Tiranës, keni parë me mijëra gropa që janë hapur nëpër Tiranë, ku pohohet edhe në ato përgjimet që njerëz që kanë 200-300 mijë euro volum biznesi kanë pasur nga 1 MLN euro apo 1.5 MLN euro në xhep. Pra Tirana, nga ato përgjime del qartë ajo që opozita ka thënë pafund që shumë nga mediat nuk i bëjnë jehonë se kanë hallin të marrin ato lekët ngë Rilindja, kemi thënë dhe u konfirmua që është lavatriçe e madhe e parave të pista, e cila nuk lë asnjë biznes të ecë përpara. Nqs një biznes lan paratë në teori, ju keni mundësinë që të mbani një çmim 10 lekë, për një shërbim që nuk bën më pak se 5 lekë dhe tërë kjo mori biznesmenësh të ndërshëm vdesin, mbarojnë, zhyten në mjerim, e çfarë do bëjnë? Gjëja e parë, do të ikin nga Shqipëria dhe që kjo lavatriçe e parave të pista është fakt, e provojnë ato përgjime. 20% që opozita e ka thënë disa herë shumë nga kolegët tuaj të mediave kanë dhënë një nënqeshje të lehtë, duke thënë se është propagandë, e dëgjuan atje.”
