Një 55-vjeçar shqiptar ka ekzekutuar gruan e tij dhe më pas i dha fund jetës, duke u vetëvarur. Kjo tragjedi tronditi opinionin publik.
Shkëlqim Bedeli dyshohet se vrau gruan e tij Shegushe Paeshti, 55 vjeç, para se të varte veten. Në banesën dy katëshe ku çifti jetonte, ditën e enjte u zbuluan trupat e dy viktimave. Ata jetonin prej 20 vitesh në Cazzago San Martino, në fshatin La Collina të Italisë.
Ngjarja makabre u zbulua nga policia, pasi fëmijët e çiftit, të cilët ishin larguar me pushime u alarmuan për gjendjen e prindërve sepse nuk po arrinin të kontaktonin me to.
Sipas një hetimi paraprak duket se Bedeli kishte planifikuar gjithçka, pasi në tavolinën e sallonit të shtëpisë u gjetën dy letra, një për policinë dhe një për fëmijët, ku shprehej se nuk duronte dot me dhe se stresi dhe xhelozia e kishte detyruar atë të ndërmerrte një veprim të tillë.
