Njësia operacionale e policisë rrugore të Tiranës e ka nisur këtë javë aksionin e saj në rajonin juglindor.
Kontrolle të kësaj njësie operacionale janë ushtruar në rrugët e qytetit të Korçës, duke u shoqëruar edhe me masa ndëshkimore. Sipas të dhënave, vetëm paraditen e së hënës, njësia operacionale ka hequr 20 leje drejtimi të mjeteve.
Bilanci i kontrolleve, vetëm në pak orë, flet gjithashtu për 30 drejtues që dërgohen në komision për mosvënie të rripit të sigurimit.
Janë vendosur edhe 47 masa administrative për përdorim të celularit apo shkelje të tjera të drejtuesve të mjeteve. Ky aksion vjen pas aksidentit me 4 persona të plagosur pak ditë më parë në vendin e quajtur ‘kryqëzimi I Plasës’.
Pavaresisht këtij aksidenti, njësia operacionale e policisë rrugore të Tiranës ka ushtruar herë pas here kontrolle në akset e rajonit të Korçës, duke ndërmarë edhe masa të ndryshme ndëshkimore.
