Ish-presidenti Bujar Nishani deklaroi se ministri Fatmir Xhafaj e dorëzoj mandatin prej shantazhit të bandidtëve të mërzitur së fundmi.
Në një postim të gjatë në “Facebook”, Nishani tha se një gjë të tillë e konfirmoi edhe vetë kryeminsitri Rama përmes një mesazhi të koduar.
Sipas Nishanit, Xhafaj ishte minsitër i demaskuar publikisht nga opozita si një “digë sigurie” për narkotrafikun që vijonte.
“Të nderuar miq, tashmë vetë kryeministri na konfirmoi se Ministrin e Brendshëm e dorëzoj prej shantazhit të banditëve të mërzitur së fundmi. “Askush nuk mund ti gjuaj shtëpisë me gurë” ishte mesazhi i koduar i të parit të Qeverisë. Kush qëlloj? Kush ishin pjesëtarët e shtëpisë që u goditën ? Mesazhi/Kod ishte menjëherë pas shkarkimit të Ministrit të Brendshëm i cili ishte në fakt i diskredituar rëndë në sytë e opinionit që nga dita e publikimit të dosjes së vëllait të tij si një i dënuar për trafik ndërkombëtar i drogave të forta. Një Ministër i Brendshëm jo thjesht i denoncuar por i demaskuar publikisht nga opozita si një “digë sigurie” për narkotrafikun që vijonte. Një Ministër i Brendshëm (i vetmi në historinë e Shtetit Shqiptar) subjekt i Ligjit Antimafia. Ky diskreditim nuk ishte për të një arsye për largimin nga qeveria as në kulmin e skandaleve të tij e nuk mund të ishte as tani.”
Duke u ndalur tek megaoperacioni “Vo-Vo4” , Nishani tha se situata e kooperimit pushtet-krim ka dal jashtë kontrollit dhe se grupet e krimit po i kërkonin qeverisë shpjegime për arrestimet.
“Dosje të tjera duket se do vinin nga partnerët. Situata e “kooperimit” pushtet- krim deri tani e menaxhuar doli jashtë kontrollit. Grupet e krimit të organizuar që ofruan shërbimin e tyre për të grabitur zgjedhjet e fundit parlamentare tashmë kërkonin shpjegime nga përfituesit e pushtetit që ata ju dhuruan.”
