Të shtëna me armë zjarri janë regjistruar këtë të premte te farmacia 10 në Tiranë.
Gazetari i Vizion Plus, Esido Barkaj mëson se Ilirjan Dosti, 45-vjeç ka mbetur i plagosur. Dosti ka marrë një plagë me plumb në pjesën e barkut dhe është dërguar menjëherë në spital, ku ndodhet jashtë rrezikut për jetën.
Mësohet se autori është komshi me të plagosurin dhe dyshohet se ka qenë nën efektin e alkoolit autori. Sherri ka qenë për shkaqe banale.
“Më datë 17.04.2026, rreth orës 19:10, në një lokal në rrugën “Imer Ndregjoni” është plagosur, dyshohet me armë zjarri, shtetasi I. D., rreth 45 vjeç, i cili po merr ndihmë mjekësore në spital.
Grupi hetimor ndodhet në vendngjarje dhe po punon për identifikimin dhe kapjen e autorit, si dhe sqarimin e plotë të rrethanave të rastit”, thuhet në njoftim.
/vizionplus.tv
