Presidenti amerikan Donald Trump ka deklaruar se Irani ka rënë dakord që të mos e mbyllë më kurrë Ngushticën e Hormuzit, një nga kalimet detare më strategjike në botë për transportin e energjisë.
Në një postim në rrjetet sociale, Trump e cilësoi zhvillimin si “një ditë të madhe për botën”, duke theksuar se kjo rrugë jetike nuk do të përdoret më si instrument presioni ndaj komunitetit ndërkombëtar.
Në një reagim tjetër, ai pretendoi se Irani, me ndihmën e Shteteve të Bashkuara, ka nisur ose ka përfunduar heqjen e të gjitha minave detare nga kjo zonë, megjithëse nuk dha detaje konkrete mbi operacionin.
“Irani, me ndihmën e SHBA-së, ka hequr ose është duke hequr të gjitha minat detare të tij. Faleminderit!”, shkroi ai.
Gjithashtu, Trump deklaroi se bllokada detare ndaj Iranit mbetet ende në fuqi, të paktën deri në përfundimin e një marrëveshjeje të plotë me Teheranin.
