Gjatë mbledhjes në Kryesinë e Partisë Demokratike, Fatbardh Kadillit ka shpërthyer ndaj Lulzim Bashës, duke e cilësuar përgjegjës për humbjet e vazhdueshme të PD-së.
Ndërsa e cilësoi të zëvendësueshëm, Kadilli, kandidati për postin e kreut të PD-së, theksoi se Basha ka mbetur peng i lobimeve private dhe nuk pati asnjëherë një qasjes solide dhe strategjike.
“Problemet ne zgjedhje nuk duhet te justifikojne humbjen. Per nje pjese te problemeve je vet pergjegjes. Per nje pjese tjeter, ke qene i pazoti ti ndalosh. Lufta per voten behet brenda sistemit. Kjo lufte do vazhdoje sa here te kete zgjedhje. Ne luften per voten ke pasur me shume sukses brenda sistemit se sa jashte sistemit. Pervojat: 2015 me mire se 2021, dhe keto dukshem me mire se 2017, apo dhe me keq, nga 2019. Nuk je aspak i nevojshem per luften institucionale per voten. Jemi ekipin me te mire dhe ekspertize te shkelqyer. Ata qe na dhane fitoren tende ne 2011. Luften politike e bejme me nje koncept te ri, me qasje te re dhe me frymezim te ri, me besushmerine, me vertetesine dhe me vendosmerine si tipare qe ty te kane munguar. Humbja eshte e jotja, pergjegjesia jotja. Te kemi mbeshtetur duke sakrifikuar identitetin tone dhe profilin politik; karrieren dhe cdo gje.”
Më tej, ai iu drejtua duke i vënë në dukje se e ndërtoi opozitën me kauza rastesore dhe se ishtë i destinuar të dilte humbes.
“Braktise shume kauza duke korruptuar besimin e mbeshtetjes. Mos u fshih pas mbeshtetjes qe kerkon lart e poshte ne Parti. Edhe Berisha kishte mbeshtetje absolute ne parti, por kishte realizmin te ikte. Ti nuk mund te ndertosh me asgje te re. N.q.s une jam bartes i nje projekti te ri, ti je kujtesa e projektit te shteruar dhe humbjes.”
