Ministri i Financave, Petrit Malaj, së bashku me drejtuesit e administratës tatimore dhe doganore ka zhvilluar një takim pune me drejtorët rajonalë të të dy administratave, për të përcaktuar prioritetet e këtij sezoni të ri.
Lufta kundër informalitetit dhe evazionit mbetet një objektiv i rëndësishëm, por po aq e rëndësishme është që çdo qytetar dhe çdo biznes të gjejë te administrata profesionalizëm, transparencë dhe respekt.
“Kjo është qasja me të cilën vazhdojmë punën çdo ditë: më shumë cilësi në shërbim, më shumë transparencë dhe më shumë afërsi me qytetarët”, shprehet ministri Malaj ndër të tjera.
Petrit Malaj: Besa është kontrata politike që kryeministri Rama i propozon çdo qytetari për të rikuperuar kapitalin e besimit përmes një shteti më të dëgjueshëm e më të matshëm. Sot së bashku me Drejtorin e Përgjithshëm të Tatimeve dhe atë të Doganave bëmë një raund takimesh me drejtorët rajonalë të të dy administratave. Lufta kundër invazionit dhe informalitetit nuk pengon askënd në administratën publike për të qenë korrekt me ligjin, i sjellshëm dhe i drejtë me qytetarët. Mbledhja e të ardhurave publike nuk pengon askënd në administratë për të treguar respekt për çdo subjekt që kontribuon në ekonominë shqiptare. Shërbime më të mira, transparencë dhe korrektësi. Kjo është moto e ministrisë së Financave në fillim të këtij sezoni.
