Ky është i riu Claudio Ndoj, i cili humbi jetën ditën e djeshme (30 gusht) si pasojë e aksidentit të rëndë të ndodhur në Kurbnesh të Mirditës.
Sipas policisë, ngjarja ndodhi në aksin rrugor Lurë–Rrëshen, në fshatin Kurbnesh. Automjeti drejtohej nga Arli Kaçorri, rreth 20 vjeç, ndërsa në të ndodhej edhe Claudio Ndoj, po 20 vjeç dhe një 15-vjeçar.
Lexo edhe :
Kaçorri dyshohet se humbi kontrollin e makinës dhe si pasojë automjeti doli nga rruga duke përfunduar në greminë.
Fatkeqësisht, Ndoj ndërroi jetë në vendin e ngjarjes, ndërsa shoferi dhe pasagjeri i mitur u dërguan në gjendje të rëndë në spitalin e Traumës.
