Komiteti përgjegjës në Agjencinë Europiane të Barnave është mbledhur në Amsterdam për ekzaminimin e të gjitha të dhënave shkencore në lidhje me sigurinë dhe efikasitetin e vaksinës Pfizer e BioNTech duke i dhënë dritën jeshile për përdorim emergjent.
Kolegji i komisionerëve të BE pritet të miratojë vendimin e agjencisë brenda 48 orëve për t’ia njoftuar atë 27 vendeve anëtare. Më 6 janar do ndiqet e njëjta procedurë edhe për vaksinën kandidate të kompanisë amerikane Moderna.
Të dyja vaksinat duhet të jepen në dy doza, me një diferencë kohore prej 3 javësh. Presidentja e Komisionit Europian, Ursula Von der Layen ka bërë të ditur se fushata e vaksinimit do të nisë njëkohësisht për të gjitha vendet e BE më 27, 28 dhe 29 dhjetor.
