Ministrja e Arsimit Ogerta Manastirliu i është përgjigjur deputetës Ina Zhupa në interpelancën e kërkuar nga kjo e fundit.
Në fjalën e saj ajo ka deklaruar se çështja e arsimit kërkon bashkëpunimin e të gjitha palëve.
Manastirliu tha se rezultatet në ulje për vendin tonë kanë ardhur edhe si pasojë e pandemisë dhe pasojave që ajo solli.
“Çështja e arsimit kërkon bashkëpunimin e të gjitha palëve. Ne nuk fshihemi pas gishtit nuk pranojmë dot të themi që PISA ishte performancë që ka ecur në hapin që ne do të donim, por kemi bërë një analizë si një vlerësim që në kontekstin ndërkombëtar është lexuar nga ekspertët më të mirë. Për të dhënë një kontekst, ka vende shumë të zhvilluara si Gjermania që në 2022 u ul me 25 pikë. Performanca jonë ishte në ulje, por u ndikua nga disa faktorë, kemi bërë analizë për të marrë masa. Ka pasur faktorë që kanë ndikuar, si pandemia, tërmeti”, tha ajo. /vizionplus.tv
