Ministri Klosi, njëherësh edhe drejtues i qarkut Berat sa I takon grupit të deputeteve te PS, mori pjesë në inaugurimin e rikonstruksionit të një shkolle në njësinë administrative Syzes e cila tashmë është gati për të pritur nxënësit.
Në fjalën e tij të rastit, Klosi theksoi se kjo është 1 nga 17 shkollat të rikonstruktuara në këto 3 vite në bashkinë e Urës Vajgurore. Ministri Klosi vlerësoi punen e bashkisë ku investimet e bëra kanë përmirësuar shërbimin ndaj komunitetit jo vetëm në shkolla, por edhe në kopshte dhe qendra shëndetësore. Ministri Klosi tha se investimet dhe reformat në arsim do të vijojnë.
“Qëllimi i qeverisë është që deri në fund të mandatit nxënësit të përfitojnë libra falas deri në klasën e 9-të.”
Investimi në këtë shkollë është kompletuar edhe me ndërtimin e një palestre.
