Bashkë me urimin për rrugëtimin e Maqedonisë së Veriut drejt NATO-s dhe votën unanime të Shqipërisë për këtë arritje të vendit fqinjë, Ministri i Brendshëm Sandër Lleshaj nuk ka kursyer sulmet ndaj opozitës për incidentin ne kuvend që u bë në prani të kryeparlamentarit të Maqedonisë, Talat Xhaferi.

 

Sipas Lleshajt, përpjekja e opozitës për të njollosur solemnitetin atlantik të një vendimi në Kuvend, është turp dhe dëshpërim ndërsa heq paralele edhe me skenat që sipas tij, krijoi Gruevski në kuvendin maqedonas në prill 2017.

 

 

Maqedonia e Veriut në NATO është interes edhe i Shqipërisë. Përpjekja e opozitës për të njollosur solemnitetin atlantik të një vendimi në Kuvend, është turp dhe dëshpërim. Përpjekja e sotme ishte shumë e ngjashme me ato skena që krijoi Gruevski në Kuvendin e FYROM në prill të 2017 në bashkëpunim të ngushtë me kumbarët antiatlantikë nga Lindja. Asgjë nuk e ndalon vullnetin e njerëzve të lirë të Ballkanit për t’u bashkuar në NATO dhe BE. Urime për Maqedoninë e Veriut!

Leave a Reply

Your email address will not be published. Required fields are marked *