Tiranë/ Qëlloi me armë zjarri në ajër, arrestohet autori

Policia e Tiranës ka arrestuar një person në zonën e Ali Demit, pasi dyshohet se ka qëlluar me armë zjarri në ajër.

Burime paraprake bëjnë me dije se personi i arrestuar është ndaluar në flagrancë dhe se gjatë kontrollit iu gjet dhe sekuestrua arma e zjarrit, të cilën e mbante pa leje.

Fatmirësisht, nga të shtënat nuk raportohet për persona të lënduar.

Policia po vijon veprimet hetimore për zbardhjen e plotë të rrethanave të ngjarjes, ndërsa pritet edhe një njoftim zyrtar me detaje të mëtejshme.

/vizionplus.tv