Sa iu përket zhvillimeve në botë, një çështje kyçe është fati i rezervave iraniane të uraniumit të pasuruar në nivele të larta, i cili mund të përdoret për ndërtimin e një arme bërthamore.
Kazakistani ka sinjalizuar se është i hapur për të strehuar rezervat iraniane të uraniumit të pasuruar në nivelin 60% nëse arrihet një marrëveshje e ardhshme mes Teheranit dhe Uashingtonit, sipas një raporti të Financial Times që citon drejtorin e Agjencisë Ndërkombëtare për Energjinë Atomike (IAEA), Rafael Grossi.
Ky propozim po diskutohet si një masë e mundshme për ndërtimin e besimit, me qëllim mbështetjen e përpjekjeve për ringjalljen e diplomacisë bërthamore ndërmjet Iranit dhe Shteteve të Bashkuara të Amerikës.
Ndërkohë, ditë më parë, Komanda Qendrore e SHBA-ve (CENTCOM) pati thënë se forcat e saj që operojnë në Gjirin e Omanit kishin zbatuar masat e bllokadës duke neutralizuar një anije me flamur të Gambias që po përpiqej të lundronte drejt një porti iranian.
Një avion amerikan e neutralizoi anijen duke lëshuar një raketë Hellfire në dhomën e motorëve të saj, thuhej në deklaratën e CENTCOM-it. Forcat amerikane lëshuan më shumë se 20 paralajmërime para se të ndërmerrnin veprimin ushtarak.
Në një tjetër raportim, Bloomberg News deklaroi se disa amerikanë pësuan lëndime të lehta nga mbetjet që ranë pas sulmit me dron të Iranit më 29 maj ndaj një baze ushtarake në Kuvajt. CENTCOM nuk e komentoi këtë deklaratë
