Policia rrugore e qarkut Lezhë ka arrestuar 12 shoferë dhe ka proceduar penalisht në gjendje të lirë 14 të tjerë, për drejtim mjeti në gjendje të dehur ose pa leje drejtimi.
Nga kontrollet e ushtruara në muajin gusht, janë arrestuar 7 shtetas për drejtim mjeti në gjendje të dehur dhe 5 shtetas për drejtim mjeti pa leje drejtimi, si dhe janë proceduar në gjendje të lirë 13 shtetas për drejtim mjeti pa leje drejtimi dhe 1 shtetas për drejtim mjeti nën efektin e alkoolit.
Gjatë muajit gusht janë ndëshkuar me gjobë 3992 drejtues mjetesh dhe janë tërhequr 332 leje drejtimi.
“Konkretisht janë vendosur: •1067 masa administrative për parakalime të gabuara; • 413 masa për përdorim të celularit gjatë drejtimit të mjetit; • 298 masa për mosvendosje të rripit të sigurimit; • 1197 masa për tejkalim shpejtësie; •65 masa për mosvendosjen e kaskës mbrojtëse; • 364 masa për shkelje të ndryshme.”
