Ende pa u larguar nga Tirana komisioneri per zgjerimin Johanes Hahn, politika shqiptare ka filluar te jape shenjat e para per zgjidhjen e krizës per reformën ne drejtësi. Te mërkurën deputetja socialiste Valentina Leskaj, njëherësh nënkryetare e kuvendit, i ka kërkuar Ilir Metes qe Parlamenti te çoje ne Gjykate Kushtetuese, kërkesën e opozitës per mandatin e saj.
“Duke qene e bindur se veprimtaria ime si deputete është ne përputhje te plote me jurisprudencën e Gjykatës Kushtetuese po ju drejtohem me këtë letër qe kuvendi i Shqipërisë ta dërgojë ne Kushtetuese kërkesën qe PD i ka përcjellë Parlamentit. Dua të sqaroj, që nuk është hera e parë që e bëj këtë kërkesë, por natyrisht jo Kryetarit të Parlamentit. Partisë Demokratike i‘a kam thënë disa herë. Madje që në momentin e parë që PD ka ngritur këtë pretendim, unë i kam thënë: keni nisur një çështje, unë ju inkurajoj ta çoni deri në fund. I’u kam thënë ta çojnë në Gjykatën Kushtetuese. Natyrisht ata nuk kanë patur kurajon ta çojnë në Gjykatën Kushtetuese sepse nuk kanë të drejtë. Siç është i qartë edhe vendimi i Gjykatës Kushtetuese, i cili bën fjalë për dy raste komplet të ndryshme. Meqenëse ata nuk patën kurajo ta çonin unë i jam drejtuar me një letër publike Kryetarit të Parlamentit.”
Kushtetuta ne nenin 70 sanksionon se kur ka dyshime se nje deputet ka përfituar fonde publike ne kundërshtim me ligjin çështja e mandatit te tij dërgohet ne Gjykatën Kushtetuese me mocion te kryetarit te kuvendit ose me kërkese te 1 te 10 se deputeteve, kjo e dyta eshte sugjeruar nga socialistet si rruga qe duhet ndjekur per mandatin e Rakip Sulit. Dergimi i mandateve te socialisteve Leskaj e Suli ne Kushtetuese ka qene kushti qe opozita te ulej serish ne tryezën e komisionit per reformën ne drejtësi, e tashme qe mazhoranca ka hedhur nje hap para ne raport me kete kërkese pritet edhe zhbllokimi i reformës ne drejtësi.
