Jetmira Beka, 28 vjeç u vra më 20 maj 2023 nga burri i saj Besmir Ademi në Gjermani. Ky i fundit është dënuar me burgim të përjetshëm, bëjnë me dije mediet gjermane.
Ademi e goditi me thikë graun e tij në parkingun ëprballë një dyqani dhe më pas e filmoi teksa po vdiste. Për këtë akt ai u dënua me brugim të përjetshëm nga Gjykata rajonale e Aachen në Gjermani, shkruan Bild.
Në ditën e parë të gjyqit, shqiptari, i cili nuk donte të pranonte ndarjen nga gruaja, ka rrëfyer se ka vrarë Jetmirën.
Ademi tha: Fëmijët i kam lënë jetimë. Do të bëjë gjithçka për të zhbërë krimin. Nuk e mbaj mend aktin. Ka vetëm një boshllëk tëmadh në zemër.
Besmir Ademi kishte marrë masa që të takoheshin në një parking të Obit për t’ia dorëzuar gruas së tij një nga tre fëmijët. Por në vend të vajzës së tij ai erdhi me një thikë kasapi.
Sipas prokurorisë, ai e ka goditur njëzet herë me thikë gruan e tij me tehun njëzet centimetra të gjatë . Gjashtë nga goditjet me thikë ishin fatale, tha gjykata.
Motra e saj tentoi të ndërhynte por u plagos lehtë. Disa klientë në dyqanin e pajisjeve dëshmuan sulmin e tmerrshëm./vizionplus.tv
