Laptopët duket se janë armët e reja të terroristëve. Ky është konkluzioni më i ri i ekspertëve amerikanë të sigurisë, të cilët theksojnë se militantët e Shtetit Islamik tentojnë të fshehin lëndë shpërthyese në këto pajisje të cilat nuk identifikohen dot në kontrollet e sigurisë në aeroporte.
Shqetësimi bazohet në të dhënat e Byrosë Federale të Investigimit. Sipas tyre grupe të caktuara terroriste, sipas shërbimeve sekrete, kanë madje edhe aparatura kontrolli, me të cilët testojnë, nëse bombat e fshehura janë vërtet të padukshme.
Sikurse shkruan Deutsche Welle janë këto të dhëna që kanë shërbimet sekrete, të cilat e shtynë SHBA dhe Britaninë e Madhe për të kufizuar lejimin e aparateve elektronike në bord. Qeveria amerikane ndali më 21 mars marrjen e aparateve elektronike në çantat e dorës për fluturime direkte nga 10 aeroporte nga Lindja e Mesme dhe Afrika. Arsyetimi i Uashingtonit ishte se shërbimet sekrete kanë paralajmëruar nga fshehja e bombave në aparate elektronikë.
