Gjykata Kushtetuese ka rrëzuar ditën e djeshme (03 Nëntor) vendimin e qeverisë për shkarkimin e Erion Veliajt nga posti i kryetarit të Bashkisë së Tiranës.
Pedagogia Arsjeda Gjyli tha se ky vendim i gjykatës nuk e shpall Veliajn të pafajshëm, thjesht e quan kërkesën e shkarkimit të tij si të padrejtë.
E pyetur nga moderatorja Pranvera Borakaj se kush e merr rrogën e kryetarit të Bashkisë së Tiranës, Gjyli u përgjigj askush, teksa nënvizoi se punët po menaxhohen nga nënkryetari.
Pjesë nga biseda:
Gjyli: Erjon Veliaj po vazhdon të hetohet. Nuk është se e shpallën z.Veliaj të pafajshëm. Ky ishte vendimi i Gjykatës Kushtetuese për të treguar nëse ka pasur ngërç konstitucional kur është marrë vendimi, fillimisht nga Këshilli Bashkiak, pastaj nga Këshilli i Ministrave dhe pastaj i dekretuar nga Presidenti. Gjykata Kushtetuese ka dalë në një përfundim, për ta qartësuar edhe për publikun. Ky vendim ishte për të treguar se a ishte konstitucional vendimi i ndërmarrë për Veliajn dhe për shkarkimin e tij. Kjo ishte thelbi.
Borakaj: Sot rrogën e kryetarit të Bashkisë së Tiranës kush e merr?
Gjyli: Praktikisht askush. Nënkryetari ka bërë rolin e kryetarit të bashkisë deri në këto momente që flasim. Se si do të vazhdojë dhe si do të vijojë procedura, do ta shikojmë në vijim. Po, që ka një ngërç konstitucional, institucional, politik, në gjithë këtë histori.
/vizionplus.tv
