Verona e Kumbullës dhe Rrahmanit është padiskutim bukuria e Seria A në këtë faze të kampionatit. Pasi ndali Milanin dhe Lacio, këtë herë Verona tregoi dhëmbet dhe fort madje ndaj Juventusit kryesues. Fitore e çmendur 2 me 1 në Bentegodi për të zotët e shtëpisë fale nje përmbysje epike në pjesën e dytë.
Protagonist absolut, Marash Kumbulla 20 vjecari i kombëtares kuqezi. I jashtezakonshem me performancën në qendrën e mbrojtjes përballë Ronaldos me shokë dhe jo vetëm.
Në pjesen e pare Sistemi VAR i anulon një gol për pozicion jashtë loje me milimetra. Në minutën e 65 ai dhe Rrahmani mbi te gjitha dorëzohen para Ronaldos që shenon në ndeshjen e 10 radhazi. Por Verona tregon dhembet dhe aktivizimi i Pacinit në sulm e bën më të rrezikshme skuadrën vendase. Një gabim i Pjanic e lejon Borinin që të barazojë shifrat dhe jo vetëm. Skena në fund është e gjitha për Kumbullun.
Talenti ynë godet me kokë dhe gjen shtyllen mirëpo këtë herë VARI është në anën e tij pasi gjyqtari shikon një prekje të topit me dorë nga Bonuci. Penallti për Veronen që kthehet në gol nga Pacini. Feste e madhe ne Bentegodi ndersa Juventus shqetëson Sarrin aq më tepër që tani Inter mund ta kapë në krye nese fiton sonte derbin.
