Një aksident rrugor është regjistruar mbrëmjen e sotme në aksin Tepelenë-Memaliaj, në vendin e quajtur “Runë”.
Dy automjete janë përplasur kokë më kokë, duke shkaktuar dëme të shumta materiale.
Si pasojë e përplasjes, kanë mbetur të dëmtuar dy drejtuesit e mjeteve dhe dy pasagjerë, të cilët ndodhen jashtë rrezikut për jetën.
Policia ka nisur hetimet për zbardhjen e shkaqeve të aksidentit. Dyshohet se shkak i përplasjes mund të ketë qenë shpejtësia e lartë.
/vizionplus.tv
