Policia ka dhënë informacionet e para në lidhje me krimin e rëndë të ndodhur në zonën e Astirit në Tiranë, ku dy motra janë gjetur të vrara me armë zjarri në një apartament.
Një 59 vjecar, shqiptar nga Maqedonia e Veriut por banues ne Tirane, ka qëlluar për vdekje bashkëjetuesen si dhe motrën e saj pas një konflikti.
Autori i dyshuar I ngjarjes së rëndë, shtetasi Përparim Ademi, nuk është kapur ende nga policia.
Motivi i krimit të rëndë të ndodhur në zonën afër Fabrikës së Miellit në Unazën e Re, dyshohet të ketë lidhje me raportet e krisura mes autorit dhe partneres së tij.
Tiranë/ Informacion paraprak
Më datë 31.12.2020, rreth orës 10:30, në Astir, shtetasi P. A., 59 vjeç, dyshohet se gjatë një konflikti të çastit, ka qëlluar me armë zjarri bashkëjetuesen e tij dhe motrën e saj, ende të paidentifikuara, të cilat si pasojë e plagëve të marra kanë ndërruar jetë.Menjëherë në vendngjarje kanë shkuar forca të shumta policie, të cilat kanë rrethuar zonën, me qëllim kapjen e autorit.Janë ngritur pika kontrolli në të gjitha akset rrugore dhe vijon puna nga grupi hetimor, nën drejtimin e Prokurorisë, për sqarimin dhe dokumentimin e plotë të rrethanave të ngjarjes.
