Kosova vijon të mos shënojë fitoren e parë në Ligën e Kombeve teksa dhe mbrëmjen e të dielës u mund me përmbysje nga Sllovenia. Edhe pse të parët që kaluan në avantazh ishin dardanët nga një gol i Muriqit në pjesën e dytë të lojës, kundërpërgjigja e vendasve erdhi shpejt. 5 minuta më vonë Kurtic vendosi sërish baraspeshën. Mirëpo kur dukej se gjithçka kishte mbaruar, Ilicic ndëshkoi Kosovën nga penalltia, duke marrë kështu një fitore të rëndësishme në grup. Një triumf që mban Sllovenia në vendin e parë me 13 pikë ndërsa skuadra e Bernand Shaland mban vendin e trete me vetëm 2 pikë të grumbulluara.
Ndërkohë në ndeshjet e tjera të Ligës së Kombeve surprizuese ishte humbja e Anglisë përballë Belgjikës me rezultatin 2-0. Belgët realizuan që në pjesën e parë të lojës si fillim me Tielemans dhe më vonë me Driz Mertens. Nga ana tjetër anglezët tentuan të kundërpërgjigjeshin disa herë por nuk ia dolën të ndryshonin dot fatin e takimit. Kështu pas këtij triumfi, Belgjika forcon dhe më shumë pozitat e vendit të parë në grup me 12 pikë ndërsa ”Tre Luanët” e gjejnë vetën në vendin e 3 me 7 pikë ,
Fitore shënuan dhe italianët që mundën në shtëpi me rezultatin 2-0 Polonin , kundërshtarin më të fortë në grup. Skuadra e Mancinit shfrytëzoi çdo mundësi përballë portës ,edhe pse goli i parë erdhi nga një penallti e ekzekutuar saktë nga Zhorzhinjo . Ne fraksionin e dytë të lojë Berardi shënoi dhe golin e sigurisë që dyfishoi mbylli llogaritë e ndeshjes . Pas kësaj fitoreje, 4 herë kampionët e botës renditen në vendin e parë me nëntë pikë, ndërsa polakët në vendin e tretë me shtatë pikë.