Koreja e veriut nuk ka hequr dorë nga armët, jo vetëm nga ato bërthamore, por tashmë vendi komunist ka testuar me sukses një “armë të teknologjisë së lartë”.
Vetë kreu i Phenianit Kim Jong Un ka inspektuar testimin, megjithatë ende nuk është specifikuar saktesisht se për çfarë arme behet fjale.
Mediat e vendit komunist raportuan se shefi I Phenianit nuk ka testuar një armë bërthamore apo rakete balistike, por një system mbrojtjes të territorit që përmirëson fuqinë ushtarake të Koresë.
Prania e Kim jong Un në një event të tillë, është e para që pas takimit me presidentin e Shteteve të Bashkuara të Amerikës, ku dy liderët ranë dakord për denuklearizimin e Gadishullit Korean.
Nga ana tjetër, mediat amerikane pak kohë më parë raportuan se Koreja e Veriut vazhdon programin e saj bëthamor.
Testimi i armës së teknologjisë së lartë, vjen disa orë pasi zëvendëspresidenti i Shteteve të Bashkuara të Amerikës Mike Pence, bëri të ditur se Trump po planifikon të takojë udhëheqësin e Koresë së Veriut Kim Jong Un, në vitin 2019. Në axhendën do të jetë një plan konkret mbi përpjekjet e Phenianit për denuklearizimin e vendit.
