Profecitë e Nostradamusit, filozofit francez të shekullit të 16-të, kanë habitur dhe trazuar botën për shekuj me radhë. Parashikimet e tij, të shkruara në një gjuhë enigmatike, thuhet se kanë paraprirë disa nga ngjarjet më të rëndësishme botërore. Pas zhvillimeve të fundit të pakëndshme, është ripërtërirë theksi mbi vizionet e tij të supozuara për vitin aktual, të cilat përfshijnë parashikime të tmerrshme për rajone dhe personalitete të ndryshme.
Historikisht, Nostradamusit i njihet merita që parashikoi ngritjen e Adolf Hitlerit, vrasjen e JF Kenedit dhe madje edhe ngjarjet tragjike të 11 shtatorit. Besohet gjithashtu të ketë parashikuar vitin e vdekjes së Mbretëreshës Elizabeth II.
Tani profeti duket se ka pasur një tjetër parashikim të suksesshëm. Duke shkruar për vitin 2024, ai tha: “Kundërshtari i kuq do të zbehet nga frika, duke terrorizuar Oqeanin e madh”.
Ky parashikim besohet gjithashtu të jetë i lidhur me tensionet midis Kinës dhe Tajvanit, por sulmet e fundit të Houthi-ve ndaj anijeve në Detin e Kuq po konsiderohen gjithashtu.
Megjithatë, sulmi i fundit i Iranit ndaj Izraelit ka nxitur teoritë e konspiracionit rreth parashikimeve të filozofit, pasi njerëzit tani kanë frikë se Lufta e Tretë Botërore është në rrugë e sipër.
Vlen të theksohet se është hera e parë që Irani ka nisur dje një sulm të drejtpërdrejtë kundër Izraelit me qindra raketa dhe dronë që u ngritën nga territori iranian. Edhe pasi pothuajse të gjitha sulmet iraniane u kapën nga forcat izraelite dhe aleate, ngjarja “rivendos ekuilibrin” midis dy rivalëve, tha Stéphane Audrand, një këshilltar sigurie për Agence France-Presse. /vizionplus.tv
