Numri dy i Këshillit të Sigurimit të Rusisë, Dmitry Medvedev u zotua sot se vendi i tij do të hakmerret për sanksionet e reja perëndimore, të shpallura në përvjetorin e dytë të sulmit rus ndaj Ukrainës dhe vdekjes së liderit të opozitës ruse, Alexei Navalny.
” Le t’i lëmë ata (perëndimorët) të vuajnë të gjithë atje. Ne duhet ta kujtojmë këtë, duhet t’u hakmerremi aty ku është e mundur. Ata janë armiqtë tanë”, ka shkruar në Telegram ish-presidenti i vendit, i mësuar të bëjë deklarata luftarake.
Medvedev gjithashtu bëri thirrje për operacione të fshehta në tokën perëndimore, ndërkohë që Rusia tashmë akuzohet shpesh për spiunazh, tregti me ndikim dhe atentate ose tentativë për vrasje. Moska sistematikisht i mohon ato.
Dmitri Medvedev, i cili dikur konsiderohej një zë mjaft liberal i sistemit të Putinit, është shfaqur që nga fillimi i ofensivës kundër Ukrainës si një zë veçanërisht radikal, shpesh duke kërcënuar, për shembull, përdorimin e armëve bërthamore ose pushtimin e vendeve që ata mbështesin Kievin./vizionplus.tv
