Ministri i Diasporës Pandeli Majko është kërcënuar nga shërbimet sekrete iraniane. Lajmi është bërë I ditur në një shkrim të thelluar publikuar nga prestigjozia Fox News ku flitet për raportin e reja të vendosura nga SHBA dhe Donald Trump me regjimin e Iranit si dhe mbrojtja që amerikanet dhe vendet e BE-së I japin Këshillit Kombëtar të Rezistencës në Iran. (NCRI).
Por mes të tjerash në artikullin e titulluar “Irani planifikon terror në tokën evropiane, ndërsa BE përpiqet të mbrojë regjimin nga shtyrja e sanksioneve të Trump”, publikuar këtë të enjte shkruhet se Ministri Majko, është shprehur për televizionin amerikan se, zyrtarët amerikanë i kanë thënë se duhet të rrisë sigurinë pas zbulimit të një kërcënimi kundër tij.
I cituar nga Fox News, Majko thotë se nuk ka frikë nga këto kërcënime dhe shton se se strategjia e Iranit në rajon është “e pashembullt”.
Në artikullin e realizuar nga gazetarët Ben Evansky e Rich Edson thuhet mes të tjerash se ka edhe shqetësime rreth pranisë së regjimit në Shqipëri, ku disidentët u thanë “Fox News” se, ambasada iraniane po punon dhe ka dërguar nëpunës të lartë të inteligjencës.
Më tej thuhet se Shqipëria është e rëndësishme sepse ishte vendi ku më shumë se 2.000 disidentë iranianë që i përkisnin Muxhahidit të Popullit të Iranit (MEK) ishin strehuar pasi u zhvendosën nga Iraku në 2016 duke qënë se sipas tyre regjimi donte ti vriste.
Po ashtu një zyrtar i lartë amerikan i antiterrorizmit tha për “Fox News” se Shqipëria vuri në pranga dy iranianë për akuzat e terrorit në fillim të këtij viti.
