Një ndërprerje e energjisë elektrike ka shkaktuar probleme në Portin e Vlorës, duke bllokuar përkohësisht procesin e imbarkimit të pasagjerëve dhe automjeteve.
Mungesa e energjisë ka penguar funksionimin normal të procedurave portuale, duke bërë që rreth 700 pasagjerë dhe 180 automjete të mos mund të imbarkoheshin në kohë.
Situata ka sjellë vonesa të konsiderueshme në lëvizjen e trageteve dhe ka shkaktuar shqetësim dhe radhë mes udhëtarëve që prisnin të vijonin udhëtimin.
Punonjësit e portit dhe strukturat përkatëse janë angazhuar për rikthimin e funksionimit normal të shërbimeve, ndërsa pritet që situata të normalizohet pas rikthimit të energjisë elektrike.
/vizionplus.tv
