Është publikuar fotoja e çiftit të sapomartuar, Kleo Vrioni dhe Sara Brugentelli, të cilët humbën jetën në orët e para të mëngjesit të sotëm në Durrës, në një aksident tragjik.
Sipas të dhënave paraprake, çifti ndodhej në automjet së bashku me tre persona të tjerë, teksa po ktheheshin nga një lokal nate.
Lexo edhe :
Dyshohet se 25-vjeçari që drejtonte automjetin humbi kontrollin, duke bërë që makina të përplasej me një bordurë betoni. Përplasja ishte e fortë dhe si pasojë e aksidentit humbën jetën tre persona, ndërsa dy të tjerë mbetën të plagosur.
Gjendja e 16-vjeçarit raportohet e rëndë, ndërsa 25 vjeçari Rejsi Vrioni ndodhet jashtë rrezikut për jetën.
Ngjarja ka shkaktuar tronditje të madhe, ndërsa vijojnë hetimet për të zbardhur rrethanat e plota të aksidentit tragjik.
/vizionplus.tv
