Kolegji i Posaçëm i Apelimit ka publikuar këtë të hënë emrat e trupës gjykuese që do të shqyrtojë ankimimin e dorëzuar në KPA, nga gjyqtari i Gjykatës së Lartë Artan Zeneli.
Në njoftimin e KPA bëhet me dije se trupa gjykuese e përbërë nga Rezarta Schuetz kryesuese, Ardian Hajdari relator, dhe Ina Rama, Natasha Mulaj dhe Albana Shtylla anëtarë, pritet të kalojnë në filtër vendimin e Komisioni të Pavarur të Kualifikimit për Zenelin.
Zeneli ka dorëzuar një ankimim në datën 18 tetor, ndërkohë që vendimi për shkarkimin e tij është dhënë që në 22 korrik.