Nëse ka një temë, tek e cila politika duhet të ketë një qëndrim unik, ajo është integrimi në BE. Për ministrin e Jashtëm Ditmir Bushati, problemet e brendshme dhe mungesa e kompromisit politik e bëjnë më të vështirë ketë proces. Për nevojën e bashkëpunimit dhe konsensusit politik u shpreh edhe kryetarja e Këshillit Kombëtar të Integrimit demokratja Majlinda Bregu. Gjatë ditës së trajnimit të nëpunësve të administratës për të qenë të përgatitur për procesin e negociatave, u theksua nevoja për koordinim më të mirë mes institucioneve. Rol të rëndësishëm mban Parlamenti dhe në mënyrë të veçantë Këshillit i Integrimit, si një format bipartizan.
