Pavarësisht përpjekjeve të shumta që po bëhen për të shuar zjarrin që shpërtheu në Magnesia në Greqi dhe mori jetën e dy personave, flakët vijojnë të jenë jashtë kontrollit. Zyrtarët urdhëruan evakuimin në këtë zone, pasi situata është kritike.
Trupi i një bariu u gjet i pajetë, ndërsa më herët edhe trupi i një gruaje.
Krahas forcave tokësore, po operojnë tre avionë dhe një helikopter për të neutralizuar vatrat.
Ndërkohë zjarri në Rodos vijon për të dhjetën ditë. Zjarrfikësit janë përqëndruar në veri deri në jugperëndim te ishullit. Nga mëngjesi i kësaj të enjteje janë angazhuar edhe 3 avionë dhe 3 helikopterë.
Gjendja është përmirësuar në Korfuz, ku zjarri është vënë nën kontroll, por rreziku mbetet sërish i lartë. Kjo pasi vatrat mund të riaktivizohen për shkak edhe të temperaturave të larta.