Për kryetarin e Bindjes Demokratike, Astrit Patozi, debati për fletën e votimit nuk ka marrë ende zgjidhje.
Ndonëse Komisioneri Shtetëror i Zgjedhjeve, Ilirjan Celibashi vendosi për fletën e votimit me emra, Patozi preferon të presë edhe ankimimet nga partitë politike.
Nga studioja e “Zgjedhje 2021” në “Vizion Plus”, Patozi deklaroi se PS-PD po grinden për këtë çështje. Ai shtoi se sipas interesit, këto dy forca politike dinë edhe të gjejnë gjuhën e përbashkët.
“3 javë para zgjedhjeve ende ka një sherrnajë. Ende nuk dihet nëse është caktuar fleta e votimit apo jo, nuk ka përfunduar saga e fletës së votimit. Kjo bëhet qëllimisht nga aktorët kryesorë, PS-PD, që bëjnë luftë sa herë para zgjedhjeve dhe më pas bëjnë edhe paqe, edhe flirtojnë, mund të bëjnë edhe fëmijë në një krevat.”
