Prej tri ditësh me radhë në fshatin Halilaj të Fushë-Krujës, vijon të jetë aktiv zjarri në fushën e vendgrumbullimit të mbetjeve.
Pavarësisht përpjekjeve të vazhdueshme të forcave zjarrfikëse, tymi toksik vijon të mbulojë zonën.
Edhe pse në vendngjarje ka ndërhyrë helikopteri, vatra e zjarrit vijon të mbetet aktive.
Ndërkohë shqetësim paraqet edhe vendndodhja e depozitës së ujit të pijshëm, aty pranë, duke shtuar frikën për ndotje të rezervave ujore.
Banorët u kërkojnë institucioneve që të ndërhyjnë me të gjitha format për fikjen totale të zjarrit dhe të fillojnë menjëherë monitorimin e ndotjes në këto zona./vizionplus.tv
