Winnie Harlow është kthyer në një sensacion në fushën e modelingut dhe fama e saj po rritet ndjeshëm, jo vetëm prej pamjes së veçantë, por edhe publikimeve të shpeshta shumë provokuese.
Në një foto të fundit të publikuar në faqen e saj në Instagram, modelja shkruan: “Ndryshimi i vërtetë nuk është lëkura ime. Është fakti që nuk ndihem e bukur prej opinioneve të të tjerëve. Unë jam e bukur se e di. Festoni ditën unike të bukurisë sot dhe çdo ditë.”
Lëkura e saj është ndryshe, si pasojë e një gjendjeje të lindur. Kjo nuk e ka penguar modelen të ketë një karrierë të suksesshme. Ajo është kthyer në një nga personazhet më të dashur në botë dhe komentet në postimet e saj e vërtetojnë këtë gjë.