Zjarri në zonën Gjegjan–Gojan vijon të jetë aktiv, ndërsa temperaturat e larta dhe era kanë favorizuar përhapjen e flakëve në sipërfaqe të konsiderueshme me pyje pishe.
Sipas të dhënave të fundit, flakët kanë përfshirë rreth 120 hektarë sipërfaqe pyjore me pisha, ku një pjesë e konsiderueshme është me pishë të zezë. Zjarri ka shkaktuar gjithashtu dëme në një stan bagëtish.
Në terren po vijon ndërhyrja e strukturave të emergjencave dhe forcave të angazhuara për përballimin e situatës.
Aktualisht, ndërhyrja nga ajri po realizohet me tre helikopterë, të cilët po operojnë në zonat ku terreni i vështirë kufizon ndërhyrjen nga toka./vizionplus.tv
