Policia e Mirditës ka finalizuar një tjetër rast të kultivimit të bimëve narkotike në kuadër të operacionit kombëtar “Koordinata”.
Gjatë kontrolleve në territorin e fshatit Bisakë, njësia administrative Mirditë, u zbulua një parcelë me 22 bimë të dyshuara të llojit cannabis sativa.
Në vendngjarje u kap në flagrancë shtetasi Gjevalin Prenga, 51 vjeç, banues në të njëjtin fshat, teksa po kujdesej për bimët narkotike.
Policia bëri të ditur se bimët u asgjësuan me anë të djegies, ndërsa një pjesë e tyre u sekuestrua si provë materiale.
Materialet procedurale janë referuar në Prokurori për vijimin e veprimeve ligjore, ndërkohë që operacioni “Koordinata” vijon në të gjithë vendin për goditjen e kultivimit të paligjshëm të narkotikëve.
/vizionplus.tv
