Rregullatori i barnave të BE-së ka gjetur një lidhje të mundshme mes vaksinës Johnson & Johnson dhe rasteve me mpiksje gjaku.
Për rrjedhojë, Agjencia Evropiane e Barnave bëri me dije se pas këtyre konkluzioneve duhet që në paketimin e vaksinës të ketë një etiketë që paralajmëron mbi këtë efekt anësor.
EMA zbuloi se të gjitha rastet kishin ndodhur tek të rriturit nën 60 vjeç, kryesisht gra që kishin pësuar mpiksje gjaku, tre javë pas vaksinimit. Agjencia mori si bazë vlerësimi të gjitha provat në dispozicion, përfshirë edhe tetë raporte të rasteve në Shtetet e Bashkuara.
Megjithatë, institucionet shëndetësore këmbëngulin se përfitimet nga vaksina e tejkalojnë rrezikun e mundshëm.
Edhe pse institucionet vazhdojnë me thirrjet e tyre për të garantuar qytetarët se vaksinat janë të sigurta dhe se duhen bërë në masë, gjithsesi rastet fatale po vijnë e po shtohen ç’ka i bënë qytetarët edhe më skeptik mbi marrjen e dozës.
