Numri i të vdekurve si pasojë e koronavirusit të ri në Mbretërinë e Bashkuar ka arritur në 35,341 një rritje prej 545 viktimave në 24 orët e fundit ka thënë Ministri për Shëndetësi, George Eustice.
Numri i personave që kanë pretenduar se kanë mbetur të papunë dhe kanë kërkuar përfitime nga shteti ka arritur në nivelin më të lartë në 24 vjetët e fundit, teksa pandemia me këtë virus pritet të dëmtojë edhe më shumë bizneset në muajt vijues.
Numri i të papunëve është rritur për 856,500 – njëherësh rritja më e madhe brenda një muaji – në 2.1 milionë, apo një rritje prej 69 për qind në krahasim me të dhënat e muajit mars.
Kjo shifër është krahasuar me ato të papunësisë më 1996, kur ekonomia e Britanisë ka qenë duke dalë nga kriza e një recesioni të thellë, të shkaktuar nga dështimi për të qëndruar në Mekanizmin Evropian për Shkëmbim të Ratave.
Sipas të dhënave të Universitetit Johns Hopkins, numri i të infektuarve me koronavirus në territorin britanik ka arritur në 247,709./ REL
