Zv/ministri i Brendshëm Sandër Lleshaj ka vizituar në Spitalin Ushtarak efektivët e plagosur gjatë protestës së banorëve të Unazës së Re para Parlamentit.
Në një deklaratë për mediat, Lleshaj e cilësoi si të papranueshme dhunën e ushtruar ndaj efektivëve të policisë.
Lleshaj tha se policia nuk është goditur vetëm nga protestuesit por edhe nga politika.
Zv/ministri deklaroi se policia u godit sot nga qytetarë të papërgjegjshëm.
Sipas tij, disa efektivë kanë marë plagë të rënda gjatë përplasjes.
Lleshaj deklaroi më tej se dhuna është një çmim i pamerituar dhe se nuk do të tolerohet.
“Është për të ardhur keq e papranueshme që në një ditë të tille krejt normale të ndodhë një ngjarje anormale, të goditet Policia e Shtetit. Sot për fat të keq është goditur nga qytetarë të papërgjegjshëm që në shkelje të ligjit ngrenë dorë mbi policinë e shtetit. Po ashtu forca politike inspirojnë dhunë ndaj policisë së shtetit. Janë një numër i konsiderueshmë policisësh të dëmtuar. Policia është policia e tyre, mban mbi supe simbole të kombit kush ngre dorën ndaj saj ngre dorën ndaj interesit publik dhe vlerave e simboleve kombëtare. Përfaqësues politikë të caktuar që mundohen të fitojnë kapital politik të distancohen nga dhuna dhe nga aktet e papërgjegjshme, dhe të dalin në mbështetje të policisë”
