Kryeministri Edi Rama deklaroi se shqiptarët në 25 prill do të zgjedhin Partinë Socialiste, si e vetmja forcë politike që mund të çojë përpara vaksinimin dhe rindërtimin.
Përmes një postimi në rrjetet sociale, Rama akuzoi kundërshtarët politikë se duan vetëm të kthejnë mbrapa vendin. Ai bëri një krahasim mes takimeve elektorale të PD dhe atyre të PS.
“Në 25 prill Shqipëria do të votojë për Vaksinimin, jo për Infektimin; për Rindërtimin jo për Rishkatërrimin; për forcimin e Ligjshmërisë e rritjen e Ekonomisë, jo për rikthimin e Paligjshmërisë e të Çorodisë!”
