Kryetarja e Parlamentit Lindita Nikolla ka uruar Pashkët për të gjithë besimtarët ortodoksë.
Ajo shkruan se rrugëtimi i Krishtit është më i larti shembull i përkushtimit dhe se në botën ku jetoi u shërbeu me përdëllim të gjithëve.
“Rrugëtimi i Krishtit është më i larti shembull i përkushtimit. Në natën e acartë të dimrit, Jezusi lindi për të gjithë ne. Në botën e trazuar ku jetoi, u shërbeu me përdëllim të gjithëve. Nga vuajtjet e shkaktuara prej zemërimit, urrejtjes dhe lëndimeve, u kryqëzua për të gjithë ne. “Me vdekje vdekjen shkeli” dhe prej errësirës së thellë u ringjall për të gjithë ne. Gëzuar Pashkën ortodokse!”-shkruan në urimin e saj Nikolla. /vizionplus.tv
