Në prangat e Policisë së Shkodrës këtë të premte ra një 17-vjeçar, që akuzohet për përndjekjen që i bënte një bashkëmoshatares së tij.
Sipas njoftimit të policisë, i riu i hapte vazhdimisht llogari false në rrjetet sociale vajzës, duke përdorur të dhënat dhe fotot e saj.
Pas një debati që kishte pasur me të për këtë shkak, 17-vjeçari mori pushkën dhe qëlloi në drejtim të banesës së saj. Pas kësaj ngjarjeje, ai u arrestua dhe si provë materiale u sekuestrua pushka.
