Presidenti i Rusisë Vladimir Putin ka filluar ‘spastrimet’ e para në radhët e ushtrisë.
Gazetari investigativ, Gristo Grozev, në një reagim të fundit në Tëitter, duke cituar burime të pavarura, ka thënë se shërbimi rus i sigurisë FSB (pasardhësi i KGB-së), ka arrestuar zëvendësdrejtorin e Gardës Kombëtare Ruse, Roman Gavrilov.
“Tri burime të pavarura raportojnë se gjenerali Roman Gavrilov, zëvendëskomandanti i Gardës Ruse (pjesë e ushtrisë së brendshme të Federatës Ruse, e cila pësoi viktima të rënda në Ukrainë), është arrestuar nga FSB. Gavrilov ka punuar edhe në të kaluarën në Gardën Presidenciale, domethënë në sigurinë personale të Putinit”, tha Grozev.
Arsyet e arrestimit të Gavrilov nuk dihen për momentin, por sipas disa burimeve, oficeri rus u arrestua për rrjedhje të informacionit ushtarak, me pasojë humbjen e jetës., ka thënë më tej gazetari.
