Një ngjarje e rëndë është regjistruar mesditën e së premtes në Bulqizë.
Një 31 vjecare ka humbur fëmijët në muajin e pestë të shtatzënisë.
Mësohet se gruaja ishte shtatzënë me trinjake. Ajo kishte ardhur nga fshatrat në Bulqize por ne spitalin e qytetit nuk ka mjek gjinekolog dhe as sallë operacioni.
Edhe pse një gjinekolog me staf mjekësor mbërritën nga Tirana me helikopter në Bulqizë, trenjakët nuk mundën të mbijetojnë.
Në lidhje me ngjarjen ka reaguar edhe Ministra e Shëndetësisë e cila sqaron se ka qene e pamundur qe te shpetoheshin trenjaket per shkak të moshës së vogël të barrës (24 javë është e papajtueshme me jetën), ndërsa nëna tashmë është jashtë rrezikut për jetën dhe në këto momente është nën kujdesin e mjekëve.
Reagimi i Ministrise se Shendetesise:
Nëna me inicialet E.R. 31 vjeç është paraqitur në spitalin e Bulqizës në orën 12:00 të ditës së sotme. Nëna e re është asistuar për lindjen e trenjakëve me moshë barre të parakohëshme 24 javëshe.31-vjeçarja është asistuar për lindjen e fëmijës së parë nga mjeku i përgjithshëm Fatos Hoxha dhe dy mami të maternitetit të Bulqizës.Për shkak të komplikacioneve, menjëherë është njoftuar ekipi i urgjencës kombëtare mjekësore dhe është nisur nga Tirana një ekip i specializuar nga Materniteti “Mbretëresha Geraldinë” me helikopterin e Urgjencës Kombëtare. Brenda 20 minutash, helikopteri me ekipin e specializuar nga Tirana ka mbërritur në spitalin e Bulqizës. Mjekët e specializuar të maternitetit të Tiranës kanë asistuar dy lindjet e tjera dhe kanë shpëtuar nënën e re, e cila rrezikonte jetën.
