Kryeministri Edi Rama teksa ka prezantuar gjashtë programet e reja që do të përfshihen në Programin Kombëtar të Strehimit për Shqipërinë, “Rilindja 2.0”, ka thënë se qeveria shqiptare do të mbështesë çiftet e reja, përfshirë edhe ata që kthehen nga emigrimi për të vijuar të ardhmen në Shqipëri.
“2 mijë kredi do jenë me interes 0% dhe 2 mijë të tjera do jetë me 3%. Tavani i të ardhurave të çiftit do rritet në 2700 euro, që është mbi pagën mesatare të të dy bashkëshortëve në sektorin publik apo privat. Këta njerëz duhen mbështetur dhe më pas vijmë tek pjesa tjetër, që janë 3 mijë mundësi për çelësa me qera të subvencionuar 50%.
Edhe këtu, me prioritet çiftet e reja dhe emigrantët që kthehen. Me të njëjta karakteristika të zgjedhjes. Platforma do mbulojë në vitin e parë 3 mijë çelësa duke paguar shteti gjysmën e qerasë”, tha Rama.
Kryeministri shtoi më tej:
“Nga viti 2018-2026 që jemi sot, janë 30. 904 familje të mbështetura. Deri në 2030 do shkojë 50 mijë numri i familjeve që do ketë një çelës për të hapur banesën. Llumi që futet në të gjithë ato kanalizime të padukshme të trurit bëhet e trashë, 50 mijë çelësa nuk janë një objektiv i hedhur në ajër para një fushate që për ne nuk ishte sfidë e mirfilltë në aspektine fitores por në barrën që morëm përsipër.
Në 2027 do japim 4 mijë çifte të reja me çelës shtëpie. Këtu nuk hyjnë kreditë e lidhura me administratën ato janë të tjera.
Sot një i ri suedez që mbaron fakultetin mund të blejë më pak se 2 metra katrorë me kredi. Jemi në kushtet kur nuk kemi të bëjmë vetëm me të pamundurit, por edhe për ata që kanë kijuar të ardhura po nuk kanë mundësi të blejë shtëpi”.
