Presidenti amerikan Donald Trump deklaroi se Shtetet e Bashkuara kanë mposhtur grupin terrorist të shtetit islamik në Siri.
Shtëpia e Bardhë nëpërmjet zëdhënëses njoftoi të mërkurën se Shtetet e Bashkuara kanë nisur tërheqjen e trupave.
Sipas Pentagonit të paktën 13 mijë luftëtarë ISIS-it ndodhen ende në Siri.
Shtetet e Bashkuara kanë ende rreth 2 mijë trupa, shumë prej të cilëve forca speciale që punojnë në aleancë me forcat kurde e arabe të njohura si forcat demokratike të Sirisë.
Departamenti Amerikan i Shtetit do të evakuojë të gjithë personelin nga Siria gjatë 24 orëve të ardhshme dhe tërheqja e trupave do të ndodhë brenda një afati kohor prej 100 ditësh.