Opozita që po konfiguron kandidaturat e saj për zgjedhjet lokale, në Korçë ka nxjerë dy pretendente për kryetar bashkie.
Nga fillimi I proçesit zgjedhor në stukturat bazë të Partisë Demokratike, antarësia e saj voton edhe përfaqsuesit e saj për zgjedhjet lokale.
Prej më shumë se një muaji, nga baza e PD janë evidentuar kandidaturat kryesore me pedagoget Sorina Koti, Ledina Aliolli dhe Devis Osmani.
Pikërisht kjo kandidaturë e fundit, duket se është seleksionuar gjatë rrugës në grup seksionet e PD Korçë. Burime të kësaj partie, bëjnë të ditur se janë kristalizuar tashmë dy kandidaturat kryesore me më shumë përkrahje.
Parimi një anetar një votë, mësohet se mbështet kandidaturat e dy pedagogeve në UT ‘Fan.S. Noli’ që janë ato të Sorina Koti dhe Ledina Aliolli.
Këto propozime të dala nga antarësia e PD në Korçë, pritet të jenë alternativat e diskutuara në forumet drejtuese apo lidershipin e kësaj partie, nga ku do të jepet miratimi se cila prej dy kandidateve femra nga opozita do të sfidojë kryebashkiakun aktual në zgjedhjet lokale për postin e qytetarit të parë në Korçë.