Humbje dhe eliminim shokues i Napolit në 1/8 e kupës së Italisë kundër Frozinones. Skuadra e Maxarrit u turpërua 4 me 0 në shtëpi, duke i dhënë lamtumirën shumë shpejt trofeut të parë sezonal. Pas një pjesë të parë diçka më të mirë për Napolin, ku protagonist ishte gjithsesi portieri i miqve Cereofoloni, pjesa e dytë ishte një paraqitje e tmerrshme për të zotët e shtëpisë në “Diefgo Armando Maradona”.
Barrenecea kaloi në avantazh miqtë në minutën e 65. 5 minuta më vonë verdheblutë mbyllën në perfeksion një kundërsulm me protagonist final Xhuzepe Kaso.
Në shtesë pati kohë edhe për dorëzimin total të Napolit që pësoi një gol me penallti nga Shedira dhe pastaj Harroui kompletoi mbrëmjen e madhe të Frozinones që veç paraqitjes së bukur në serie A, avanazon edhe në kupë në çerekfinale ku e prêt fituesja e çiftit Juventus-Salernitana.
Në Angli, në kupën e Ligës Chelsea ia doli të kualifikohet për në gjysmëfinale, pasi mundi falë lotarisë së penalltive skuadrën e Njukasell, pasi koha e rregullt u mbyll 1 me 1.
Galager për blutë e Londrës ishte i pari që kërcënoi, duke goditur traversën e miqve, për të ardhur më pas tek një gafe e madhe e mbrojtjes vendase nga e cila përfitoi Uillson që mundi të shënojë golin e avantazhit.
Në minutën e 32 u fut në fushën e lojës tek blutë Armando Broja, të cilit fillimisht iu anulua një gol për pozicion të parregullt, pastaj në pjesën e dytë dha një asist perfekt për Xhekson, por ky i fundit gaboi në finalizim.
Chelsea provoi me të gjitha mënyrat të shënonte në pjesën e dytë dhe ia doli vetëm në minutën e 92 me anë të Mydrik. Tek 11-metershat të zotët 4 shtëpisë ishin më të saktë, duke shënuar katër herë përballë dy të Njukasell, për të cilët gabuan Tripie dhe Rici. /vizionplus.tv
